Sunday, May 09, 2010

မားမား(၂)နှစ်ပြည့်အလွမ်း

ကျွန်မဘ၀ကောင်းကင်ထဲကလမင်းကြီးပျောက်သွားတာဒီလဆိုရင်(၂)နှစ်ပြည့်ခဲ့ပါပြီ..။တိုက်တိုက်ဆိုင်ဆိုင်မိခင်
များနေ့ကျင်းပတဲ့လမှာမားမားဟာဆုံးပါးသွားခဲ့တာပါ..။နှစ်စဉ်မိခင်များနေ့ရောက်တိုင်းကျွန်မမေမေကပြုံးပြုံး
လေးမေးတတ်ပါရဲ့..။မိခင်များနေ့တိုင်းမှာ..သားသမီးဆုံးပါးသွားတဲ့မိခင်တွေကိုသူတို့ရဲ့သားသမီးတွေအစား
ကျွန်မကလက်ဆောင်လေးတွေလိုက်လိုက်ပေးတတ်တဲ့အကျင့်တစ်ခုရှိပါတယ်..။ငယ်ငယ်ကတည်းကသူများမိ
ခင်တွေရဲ့ဟာနေတဲ့ကွက်လပ်ကိုဖြည့်ပေးဖို့တွေးပေးတတ်ပေမဲ့..ကျွန်မရဲ့မေမေကိုတော့ကျွန်မထည့်မတွေးပေး
မိတတ်ပါဘူး..။

ကျွန်မအမြင်မှာတော့ကျွန်မမေမေကသိပ်တော်တယ်...။ဘာမဆိုလဲသူ့မှာရှိတယ်လို့ခံစားခဲ့ရလို့ပါ..။မိခင်များနေ့
မတိုင်ခင်လက်ဆောင်ပစ္စည်းအမျိုးမျိုးကိုခေါင်းပူအောင်ကျွန်မတွေးပေးတတ်ပါတယ်...။သားသမီးမရှိတော့တဲ့မိခင်
တစ်ယောက်ရဲ့ကြေကွဲမှုကိုနှစ်သိမ့်ပေးနိုင်မဲ့ပစ္စည်းလေးတွေကိုမိခင်တွေကိုကျွန်မကပေးချင်မိတာပါ..။တစ်ချို့မိ
ခင်တွေကိုအနွေးထည်လေးတွေ..တစ်ချို့ကိုတော့အလှပြင်ပစ္စည်းလေးတွေ..စသဖြင့်နဲ့သူတို့ကိုလောကကြီးက
ကော၊ကျွန်မကပါတန်ဖိုးထားလိုအပ်နေပါတယ်လို့ပြောပြနိုင်လောက်တဲ့ပစ္စည်းလေးတွေကိုကျွန်မတွေးတွေးပြီး
ကြင်ကြင်နာနာနဲ့လိုက်ပြီးလက်ဆောင်ပေးတတ်ပါတယ်..။ဒီလိုလက်ဆောင်ပေးဖို့ကျွန်မလိုသမျှငွေကိုကျွန်မ
မေမေကထုတ်ပေးတတ်ပါတယ်..။သမီးလေးတစ်ယောက်ထဲသာပါတဲ့ကျွန်မတို့မိသားစုဘ၀မှာ...သူ့သမီးဟာ
တခြားမိခင်တွေအတွက်စဉ်းစားပေးတတ်အောင်..ကျွန်မရင်ထဲကိုဒီလိုတွေးပေးစေခဲ့တာကျွန်မမေမေပါ..။တစ်
ခါတစ်လေတော့ဘာလက်ဆောင်ပေးရမှန်းမသိတဲ့ကျွန်မကိုမားမားက၀ိုင်းစဉ်းစားပေးတတ်ပါတယ်..။ဒါပေမဲ့
လူအများကြီးအတွက်ခေါင်းပူအောင်စဉ်းစားထားပြီးတဲ့ကျွန်မဟာ..မားမားကိုတော့မိခင်များနေ့ရောက်တိုင်း
ပန်းတစ်ပွင့်လောက်ပဲလက်ဆောင်ပေးဖြစ်ပါတယ်..။ပန်းပွင့်လေးဟာလဲများသောအားဖြင့်ညှိုးနေတတ်တဲ့ပန်း
ပွင့်လေးတွေပဲဖြစ်တတ်ပါတယ်..။သိပ်လှတဲ့ပန်းတွေဆိုရင်အားငယ်နေရှာမဲ့တခြားမိခင်တွေကိုကျွန်မကပေး
တတ်လို့ပါ..။မိခင်များနေ့ရောက်တိုင်းကျွန်မသေသေချာချာလုပ်ဖြစ်တာတစ်ခုကတော့မားမားကိုထိုင်ကန်
တော့ဖြစ်တာပါ..။ဒီလိုကန်တော့တိုင်းမှာမားမားကဆုတစ်ခုကိုအမြဲပေးတတ်ပါတယ်..။ဖြစ်လေရာဘ၀တိုင်း
မှာငါ့သမီးလေးမိကောင်း၊ဖကောင်း၊ဆရာသမားကောင်း၊မိတ်ဆွေကောင်းနဲ့ပဲတွေ့ပါစေတဲ့..။ကျွန်မကလဲ
ပေးတဲ့ဆုနဲ့ပြည့်ပါစေလို့ဆုတောင်းမိတာပါပဲ..။

အခုတော့...။

မားမားကျွန်မဘ၀ထဲကထွက်ခွာသွားပြီးနောက်မှာကျွန်မရဲ့ကမ္ဘာဟာနည်းနည်းပိုပူလာပါတယ်..။ဒီ(၂)နှစ်အ
တွင်းမှာကျွန်မလူတစ်ချို့ကိုတွေ့ခွင့်ရခဲ့ပါတယ်..။မျက်နှာမှာအပြုံးတွေဝေပြီး..နောက်ကွယ်မှာမဲ့နေသူတွေ..
သိပ်ကိုလေးစားယုံကြည်စရာလို့ထင်ပေမဲ့..သိပ်ကိုစိတ်ဓာတ်ညံ့ဖျင်းသူတွေ..လောကကြီးဟာပင်လယ်ကြီး
တစ်ခုလိုပဲဆိုတဲ့စကားကို..ခလုတ်တစ်ချို့ကိုကျွန်မတိုက်ပြီးချိန်မှာ..ကျွန်မပင်လယ်ကြီးထဲရောက်နေတယ်
ဆိုတာကိုကျွန်မလက်ခံလိုက်ပါတယ်..။ဒါကြောင့်လဲငါ့အမေကမိကောင်း၊ဖကောင်း၊ဆရာသမားကောင်း၊မိတ်
ဆွေကောင်းနဲ့ပဲတွေ့ရပါစေလို့ဆုပေးတာပါလားလို့ကျွန်မသေသေချာချာသိလာရပါတယ်..။

အခုတော့မိခင်များနေ့မှာမားမားအတွက်သိပ်ကိုသူနှစ်သက်မဲ့လက်ဆောင်လေးတွေပေးချင်မိပါတယ်...။ဘယ်
တော့မှပြန်မတွေ့နိုင်တော့တဲ့မားမားကိုကျွန်မလက်ဆောင်လေးတွေနေ့တိုင်းပေးဖို့တွေးနေပါတယ်..။သူသိပ်
ကိုမျှော်လင့်တဲ့ဖြူစင်မှုတွေနဲ့ကူညီမှုတွေကိုလုပ်ပေးချင်မိပါတယ်..။မားမားရှိစဉ်ကတာဝန်မကျေခဲ့တဲ့သမီးတစ်
ယောက်ရဲ့တာဝန်တွေကို..မားမားလိုပဲ..မိခင်တွေကိုတာဝန်ကျေပေးချင်မိတယ်..။

မိခင်များနေ့မှာမားမားကော..မိခင်တိုင်းကော..သားသမီးတိုင်းပါပျော်ရွှင်ကြပါစေ..လို့ဆုတောင်းပေးလိုက်ပါ
တယ်....။



6 comments:

  1. မမေ..မနေ့တစ်နေ့ကလိုပဲနော်..မမေရဲ့မေမေ
    ကိုကျွန်တော်လဲအမြဲသတိရနေပါတယ်..
    မမေပျော်ရွှင်နိုင်ပါစေ..

    ReplyDelete
  2. ပေးတဲ့ဆုနဲ့ ပြည့်ပါရစေ.. ။ အမေအတွက်လဲ ဆုတောင်းပေးပါတယ်ဗျာ။

    ReplyDelete
  3. ယူ့လိုသမီးမျိုးကိုမွေးထားတဲ့ယူ့မားမားကိုအိုင်
    အရမ်းလေးစားတယ်မေရေ..ယူနဲ့သူငယ်ချင်း
    ဖြစ်ခွင့်ရတာကိုလဲဂုဏ်ယူတယ်..ယူ့အကြောင်း
    ကိုသိရလေယူ့ကိုပိုချစ်လေပဲ..အိုင်တို့တစ်နေ့
    တွေ့ခွင့်ရပါစေလို့ဆုတောင်းနေတယ်..ယောင်း
    မလဲတော်ခွင့်ရပါစေလို့...ဟဲဟဲ

    ReplyDelete
  4. ကွယ်လွန်သွားတဲ့ မေရဲ့ မေမေ ကောင်းရာသုဂတိ
    ရောက်ရှိပါစေလို့ ၀ိုင်းပြီး ဆုတောင်းပါတယ်။

    ReplyDelete
  5. နွေးနွေး11 May 2010 at 07:00

    မမေရဲ့မေမေဖြစ်စေချင်တဲ့သာသနာအကျိုး
    ဘာသာအကျိုးသယ်ပိုးနေတဲ့သမီးလေးမို့
    မမေရဲ့မေမေကဖြစ်ရာဘ၀ကစိတ်ချမ်းသာနေ
    မှာပါ..အန်တီကောင်းရာသုဂတိလားပါစေမမေ

    ReplyDelete
  6. အဲဒီတုန်းက မုန်တိုင်းဒဏ်သင့်သူတွေဆီ ရောက်ရှိနေတဲ့ အစ်မရယ်.. အဝေးမှာ ကျန်ခဲ့တဲ့ အမေရယ်.. မမြင်နိုင်တဲ့ကံတရားရယ် ..နာဂစ်မှာ ကိုယ်တိုင် နာကျင်ခဲ့ရပေမယ့် ကိုယ့်ထက် နာကျင်ရသူကို မြင်လိုက်ရတော့ ကျွန်တော် စိတ်မကောင်းဖြစ်ခဲ့ရပါတယ်။ အားလုံးဟာ မနေ့တစ်နေ့က လိုပါပဲ.။

    ReplyDelete

စကားလုံးလေးတွေအတွက်အထူးကျေးဇူးတင်ပါတယ်နော်