ကျွန်မနှင့်ထူးခြားတဲ့မိတ်ဆွေများ

ကျွန်မကခပ်ငယ်ငယ်လေးကတည်းက၊သူရဲဆိုတဲ့အသံကြားရုံနဲ့ကြောက်နေတဲ့သူတစ်ယောက်ဖြစ်ပါတယ်။သူရဲ
ကားတွေကိုအင်မတန်ကြိုက်တတ်ပေမဲ့၊ခုထိမျက်လုံးလေးတစ်ဖက်ကိုလက်ဖ၀ါးနဲ့အုပ်ထားပြီး၊မျက်လုံးတစ်ဖက်
တည်းနဲ့ခိုးခိုးကြည့်တတ်တဲ့၊သတ္တိခဲလည်းဖြစ်ပါရဲ့။သီလရှင်ဝတ်ခြင်းကိုအင်မတန်မြတ်နိုးပြီး၊မြန်မာပြည်မှာတုံးက
ကျောင်းပိတ်တိုင်းသီလရှင်ဝတ်နှင့်ဖြစ်နေတတ်တဲ့ကျွန်မက၊တရားထိုင်ခြင်းကိုဝါသနာပါစွာနဲ့နေ့တိုင်းထိုင်ဖြစ်ပေ
မဲ့၊သူရဲကိုလည်းကြောက်နေဆဲပဲဖြစ်ပါတယ်။သူရဲကိုကြောက်ရအောင်လည်းကျွန်မဘ၀ထဲမှာ၊သူတို့နှင့်ပတ်သတ်
မှုတွေကိုသေသေချာချာကြီးကိုကြုံခဲ့ဖူးလေတော့........။

ပထမဆုံးကျွန်မကြုံတွေ့ခဲ့ရချိန်ကကျွန်မအသက်(၁၀)နှစ်သမီးလောက်မှာပါ။ကျွန်မတို့သားအမိ၊သားအဖတွေည
ဘက်ဆိုရင်တီဗီရှေ့မှာစကားတပြောပြောနဲ့၊လက်ဖက်သုတ်လေးစားပြီး၊တီဗီကြည့်တတ်ပါတယ်။တစ်ညနေမှာ
တော့တီဗီကြည့်နေရင်းနဲ့၊အိမ်ရှေ့ကကျွန်မနာမည်ကိုကြော်ကြော်နဲ့အော်သံကြားရတာပါပဲ။"မေရေ..ဂျီမေလေး
ရေ"နဲ့သုံးခါလောက်ကြားလိုက်ရတော့၊ကျွန်မထိုင်နေရာကထပြီး"မေ့ကိုခေါ်ကြလား"လို့မေးမိပါတယ်။"အိမ်ရှေ့က
မေ့ကိုခေါ်နေသံကြားရတယ်"လို့ပြောတော့လည်း၊အိမ်ကလူတွေကကြားရပါဘူး၊ဒီကလေးတီဗီထဲကအသံတွေ
ကြားနေတာပါဆိုပြီး၊ဘယ်သူကမှဂရုမစိုက်ကြပါဘူး။ကျွန်မကိုခေါ်နေတဲ့အသံရှင်ကျွန်မတို့ကိုငယ်ငယ်ကထိန်းပေး
ခဲ့ဖူးတဲ့ရပ်ဆွေ၊ရပ်မျိုးအမေကြီးတစ်ယောက်အသံပါ။ကျွန်မကလဲ"အမေဒေါ်မြင့်စိုးအသံပါဗျ၊မေ့ကိုခေါ်တယ်"လို့
ပြောလိုက်ပါရဲ့။ခပ်ပေါ့ပေါ့ပဲပြောပြီး၊တီဗီဆက်ကြည့်နေလိုက်ပါတယ်။ည(၉)နာရီလောက်မှာတော့၊အမေကြီးရဲ့
သားကရောက်လာပြီး၊သူ့အမေည(၇)နာရီလောက်ကဆုံးသွားကြောင်းလာပြောပါတော့တယ်။တအိမ်လုံးကဟဲ့
ဂျီမေလေးပြောတာဟုတ်တယ်လို့ပြောနေကြချိန်မှာ၊ကျွန်မကတော့ကြောက်လွန်းလို့နောက်တစ်နေ့မှာဖျားကို
ဖျားသွားခဲ့ဖူးပါတယ်။

ကျွန်မပထမဆုံးတရားစထိုင်ရချိန်မှာ၊ကျွန်မဖေဖေက၀င်လေ၊ထွက်လေကိုမှတ်စေခဲ့တာပါ။ကျွန်မပထမဆုံးတ
ရားစထိုင်ခဲ့တဲ့နေရာဟာစေတီတော်ကြီးတစ်ခုရဲ့ဓမ္မာရုံမှာဖြစ်ပါတယ်။ကျွန်မတစ်ယောက်တည်းမဟုတ်ပဲ၊တခြား
ယောဂီတစ်ချို့လဲပါပါတယ်။ဝင်လေကိုဝင်လေမှတ်၊ထွက်လေကိုထွက်လေမှတ်ဆိုတဲ့စကားကြောင့်၊ကျွန်မမှာဝင်
လေ၊ထွက်လေကိုမနည်းကြီးကိုမမှားအောင်မှတ်နေချိန်မှာ၊စေတီတော်တန်ဆောင်းဘေးကလှေကားကနေအဘွား
ကြီးတစ်ယောက်ဆင်းလာတာကိုတရားမှတ်နေရင်း၊သေသေချာချာတွေ့လိုက်ရတာပါပဲ။ကျွန်မတွေ့ရတာကတော့
အမယ်ကြီးကအင်္ကျီအဖြူရောင်နဲ့ထဘီကအညိုလား၊အနက်လားမသိတဲ့အပေါ်မှာအပွင့်ကလေးတွေနဲ့ဖြစ်ပြီး၊ဦး
ခေါင်းကဆံပင်ကိုလဲ၊ထိပ်မှာစုပြီးထုံးထားပါတယ်။ဆံပင်ကနည်းလေတော့ကွမ်းသီးလုံးလေးခေါင်းပေါ်တင်ထား
သလိုပါပဲ။ကျွန်မလဲတွေ့တွေ့ချင်းတရားထိုင်တာကိုရပ်လိုက်ပြီး၊ကျွန်မဖေဖေကိုပြောပြပါတယ်။ဒီအချိန်ထိအမယ်
ကြီးဟာဘယ်သူလဲဆိုတာကျွန်မ၊မသိသေးသလိုကြောက်လဲမကြောက်နေခဲ့ပါဘူး။ဒါပေမဲ့ကျွန်မပြောပြတော့ကျွန်
မဖေဖေနဲ့ဘုရားကလူကြီးတွေကအံ့သြစွာနဲ့ဒီအမယ်ကြီးဟာနေစရာမရှိဘူးအိမ်မက်ပေးလို့၊စေတီတော်ရဲ့တစ်နေ
ရာမှာနေစေခဲ့တဲ့ဒီစေတီတော်ကြီးရဲ့အတွင်းရေးမှူးဆိုသူရဲ့အမေဖြစ်ကြောင်း၊အမယ်ကြီးဆုံးသွားချိန်မှာဝတ်ဆင်
ပေးလိုက်တဲ့အ၀တ်အစားတွေကဒီပုံစံပဲဖြစ်ကြောင်းကျွန်မကိုပြောပြကြပါတယ်။ကျွန်မတရားစထိုင်ချိန်မှာကြုံ
တွေ့ခဲ့ရတဲ့အဖြစ်အပျက်ကလေးတစ်ခုပါ။

ကျွန်မတို့သားအဖ၊"ဖလေး"ဘုရားကြီးကိုတစ်ရက်တော့သွားခဲ့ကြပါတယ်။မှတ်မှတ်ရရတန်ဆောင်မုန်းလပြည့်ည၊
သူခိုးကြီးပွဲတော်ညအခါကပေါ့။ကျွန်မတို့သားအဖနဲ့တူတူပါးပါးတပည့်မတစ်ယောက်ရယ်၊ကားဒရိုင်ဘာရယ်၊စုစု
ပေါင်းလေးယောက်သွားခဲ့ကြတာပါ။ပါးပါးရဲ့အဲ့ဒီ၊တပည့်မဟာရန်ကုန်မြို့မှာအင်မတန်နာမည်ကြီးတဲ့ဝိဇ္ဇာဘုန်းကြီး
တစ်ပါးရဲ့တပည့်ရင်းတစ်ယောက်ဖြစ်ပြီး၊သူတို့ဆရာတော်ကတော့ပဲခူးဘက်ကိုသွားရင်နင်သေမယ်လို့ပြောထား
တယ်လို့ဆိုပါတယ်။ဒါပေမဲ့သူကကျွန်မတို့သားအဖနဲ့လိုက်လာတာပါ။ကျွန်မပါးပါးကခရီးသွားရင်ဘယ်တော့မှမ
အိပ်တတ်ပါဘူး။တစ်ညလုံးကားမောင်းသူကိုအဖော်လုပ်ပေးတတ်ပါတယ်။ကျွန်မကတော့ထိုင်ရက်တောင်အိပ်
ပျော်နိုင်တဲ့သူမို့အိပ်ပြီးလိုက်လာတာပါပဲ။ကျွန်မတို့ရန်ကုန်ကထွက်လာချိန်ဟာမနက်(၃)နာရီလောက်မှာပါ။ကား
လမ်းမပေါ်မှာနောက်ပြောင်ပြီးနေရာရွှေ့ထားတဲ့၊ကင်းတဲတွေ၊ခုံတွေ၊တံတားတွေနဲ့ကျွန်မတို့ခရီးမတွင်စွာပဲကွေ့
ပတ်မောင်းရပါတယ်။ပဲခူးအင်းတကော်အနားရောက်တော့၊အရှိန်နဲ့မောင်းလာတဲ့ကျွန်မတို့ကားက၊လမ်းပေါ်မှာ
ဈေးရောင်းဖို့ထွက်လာတဲ့အမျိုးသမီးတစ်ယောက်ကိုတိုက်မိပါလေရော။အရှိန်ကြောင့်ကျွန်မတို့ကားလဲလမ်းဘေး
ကိုရောက်မတတ်ဖြစ်သွားပါတယ်။ကျွန်မကတော့ဒီလိုဖြစ်ခါနီးချိန်မှနိုးလာတာပါ။ကားတိုက်မှုဖြစ်ပြီးပြီးချင်း၊လူနာ
ကိုပဲခူးဆေးရုံကြီးကိုကျွန်မတို့ကားပေါ်တင်ပြီးချက်ချင်းပို့ပါတယ်။သူနဲ့ဈေးတူတူရောင်းတဲ့သူတစ်ချို့လဲကားပေါ်မှာ
လိုက်လာကြပါတယ်။ပဲခူးဆေးရုံကြီးကတော့ထုံးစံအတိုင်း၊လက်ကျိုးသွားတာကိုတောင်၊ခွဲစိတ်မှုမလုပ်နိုင်၊ဆရာ
ဝန်ကြီးမရှိပါတဲ့။ဒါနဲ့ညတွင်းချင်းရန်ကုန်ဆေးရုံကြီးကိုရန်ကုန်ကလူနာတင်ကားမှာပြီး၊ချက်ချင်းပို့ဖို့စီစဉ်ပါတယ်။
ကျွန်မတို့ကားနဲ့ဒရိုင်ဘာကိုတော့ပဲခူးရဲစခန်းမှာထားခဲ့ရပါတယ်။

ရက်ပိုင်းအတွင်းမှာပဲ၊ပဲခူးရဲစခန်းကကားကိုပြန်ယူဖို့ကျွန်မတို့လာခဲ့ကြပါတယ်။ဒရိုင်ဘာတစ်ယောက်ကလွဲရင်
အားလုံးကဖလေးသွားတုံးကလူတွေပါပဲ။အပြန်မှာညနေစောင်းနေပြီးမှောင်စပြုနေပါပြီ။ပဲခူးသွားတိုင်းမှာကျွန်မ
တို့သားအဖတွေကရွှေအုန်းပင်စားသောက်ဆိုင်မှာထမင်းစားတတ်ကြပါတယ်။ပဲခူးမြို့ပေါ်မှာဆိုတော့ဆရာမကြီး
ထမင်းဆိုင်မှာစားတတ်ကြပါတယ်။အမှုဖြစ်ခဲ့တဲ့ကားကိုလူတစ်ယောက်ကမောင်းလာပြီး၊ကျွန်မတို့ကတော့နောက်
ကားတစ်စီးပေါ်မှာပါ။ရွှေအုန်းပင်ရောက်တော့ထမင်းစားဖို့ပြင်ကြပါတယ်။ဇွန်း၊ခရင်းအဆင်သင့်ချပေးပေမဲ့၊ကျွန်မ
ကတော့လက်နဲ့မှထမင်းစားချင်တဲ့သူမျိုးပါ။အမှုဖြစ်ခဲ့တဲ့ကားက၊ထမင်းဆိုင်ရဲ့လက်ဆေးကန်တွေနားမှာရပ်ထားပါ
တယ်။ကျွန်မကလက်သွားဆေးလေတော့၊မှန်ကိုမကြည့်ရဲပါဘူး(ဘေစင်မှာမှန်ပါတွဲထားတာပါ)။ဒါပေမဲ့ထူးဆန်းစွာ
ပဲကျွန်မခံစားလိုက်ရတာကတော့ကြက်သီးတွေထလာတာပါပဲ။ပြီးတော့ကျွန်မဖော်မပြတတ်တဲ့ခံစားမှုမျိုးပါ။ဒီခံ
စားမှုမျိုးကိုကျွန်မပရိတ်ရွတ်နေချိန်တွေ၊မေတ္တာပို့နေချိန်တွေမှာခံစားရတတ်ပါတယ်။ဒါကြောင့်အမှုဖြစ်တဲ့ကားကို
ကြည့်လိုက်တော့၊ကားပေါ်မှာမဲမဲအရိပ်ကြီးကိုတွေ့လိုက်ရပါတော့တယ်။သတ္တိခဲကျွန်မကထမင်းဆိုင်ထဲမှာထိုင်နေ
တဲ့ကျွန်မပါးပါးဆီပြေးလာပြီး၊တခြားသူတွေမသိအောင်ပါးပါးကိုအကျိုးအကြောင်းပြောပြပါတယ်။ကျွန်မပါးပါးက
တော့ရေသန့်ဘူးတစ်ဘူးကောက်ယူလိုက်ပြီး၊ကဲသမီးလေးပါလိုက်ခဲ့လို့ကျွန်မကိုခေါ်ပါလေရဲ့။အာ..လိုက်ချင်ဘူး
ကြောက်တယ်ဆိုလည်းမရပါဘူး။ဒါနဲ့လိုက်ပြီးပါးပါးကကားခေါင်းပိုင်းက၊ကျွန်မကကားနောက်မြီးပိုင်းကနေပရိတ်
တွေရွတ်ကြရပါတယ်။ပါးပါးကတော့ပရိတ်တော်တွေရွတ်ပြီးကားကိုတစ်ပတ်ပတ်နေပေမဲ့၊ကျွန်မကတော့ကြောက်
လွန်းလို့မျက်လုံးကြီးမှိတ်ပြီး၊ပရိတ်တွေရွတ်တော့တာပါပဲ။နောက်တော့ဒီအမှုဖြစ်တဲ့ကားပေါ်မှာကျွန်မတို့လိုက်ပြီး
ပြန်လာခဲ့ရပါတယ်။ကျွန်မလဲအဲ့ဒီနေ့ကတော်တော်ကုသိုလ်ရလိုက်ပါရဲ့။ပရိတ်ကြီး(၁၁)သုတ်အပြင်၊ပဋ္ဌာန်းတွေ
ရော၊ဓမ္မစကြာတွေပါစုံအောင်ရွတ်ပြီး၊ရန်ကုန်ကိုပြန်ခဲ့ရပါတယ်။

ကျွန်မတို့ရိပ်သာနေရာဟာအဲ့ဒီအရပ်မှာတော့၊တောကြမ်းတယ်လို့နာမည်ကြီးပါတယ်။သစ်ပင်ကြီးတွေနဲ့အုပ်မှိုင်း
နေပြီးကောင်းကင်ကိုပျောက်တိပျောက်ကျားလေးပဲမြင်ရလောက်အောင်၊တကယ့်ရိုးမအသေးစားလေးပါ။ငှက်တွေ
ကလဲစုံနေပြီး၊မြွေကြီးများတောင်ရှိပါရဲ့။သူရဲအင်မတန်ကြောက်တဲ့ကျွန်မမှာတာဝန်ကြောင့်သာရိပ်သာကိုရောက်
လာရပေမဲ့၊ညဘက်တွေဆိုတစ်ယောက်တည်းရိပ်သာထဲသိပ်မသွားရဲပါဘူး။ကျောင်းပိတ်ရက်တိုင်းမှာကျွန်မက
သီလရှင်ဝတ်တတ်ပြီးများသောအားဖြင့်၊ကျွန်မရဲ့လူငယ်ဘ၀ဟာသီလရှင်ဝတ်နဲ့ရိပ်သာမှာပဲပျော်ရွှင်နေတတ်ပါ
တယ်။ကြောက်တတ်တဲ့ယောဂီတွေကိုမကြောက်ကြပါနဲ့လို့၊ခပ်တည်တည်အားပေးနေချိန်မှာကျွန်မကလဲကြောက်
နေတတ်ပါတယ်။ညဘက်တွေမှာတော့တစ်ပါးဆောင်တွေကယောဂီတွေကို၊လိုက်ကြည့်ပေးရလေ့ရှိပြီး၊မိုးတော်
တော်ချုပ်မှကျွန်မအိပ်ရာဝင်ရပါတယ်။မနက်ဆိုရင်တော့(၃)နာရီဝေလီဝေလင်းကြီးမှာ၊တစ်ရိပ်သာလုံးရဲ့အာရုဏ်
ဆွမ်းအတွက်ချက်ပြုတ်ကြသူတွေကို၊စီစဉ်ပေးရပါတယ်။ဒါကြောင့်လဲကြောက်ပေမဲ့မလုပ်မဖြစ်၊မသွားမဖြစ်မှောင်
မှောင်မည်းမည်းကြီးထဲကိုသွားရလာရပါတယ်။ရိပ်သာမှာတော့ကျွန်မကြုံတွေ့ရတာတွေကထူးထူးခြားခြားလေး
တွေကြီးပဲမို့တဖြည်းဖြည်းတော့ရေးသွားမှာပါ။ဒီထဲကမှကြုံဖူးတာတစ်ခုကတော့.......။

တစ်ခုသောညတစ်ညမှာကျွန်မတရားထိုင်ဆောင်တွေဘက်ကနေ၊ကျွန်မအဆောင်ကိုပြန်လာခဲ့ပါတယ်။ကျွန်မရဲ့
အဆောင်ဘေးမှာခြေ၊လက်ဆေးနိုင်အောင်လုပ်ထားတဲ့ကန်လေးတစ်ခုရှိပြီး၊တစ်နေရာရာကပြန်လာပြီးတိုင်း
ကျွန်မခြေထောက်ဆေးပြီးမှ၊အဆောင်ပေါ်ကိုတက်တဲ့အကျင့်ရှိပါတယ်။အဲ့ဒီညမှာတော့ကျွန်မထူးခြားမှုတစ်ခုကို
တွေ့လိုက်ရပါတယ်။လူတစ်ယောက်ကိုပါ။ဝါးခမောက်ကြီးဆောင်းထားပြီး၊အကျီင်္မပါပဲ၊ပုဆိုးကိုပေါင်လည်လောက်
ထိဝတ်ထားတဲ့တောသားကြီးတစ်ယောက်ကိုတွေ့လိုက်ရပါတယ်။သူကရေကန်ဘေးကနေကျွန်မကိုကြည့်နေတာ
ဖြစ်ပြီး၊ကျွန်မကလဲသူ့ကိုသေသေချာချာမြင်ရလို့ကြောင်ပြီးကြည့်နေခဲ့ပါတယ်။သူများတွေပြောကြသလို၊မိုးလောက်
ကြီးမြင့်တဲ့အရပ်လဲမရှိပါဘူး။သပိတ်လောက်ကြီးတဲ့မျက်လုံးကြီးလဲမရှိပါဘူး။ခြေတွေလက်တွေပြည့်ပြည့်စုံစုံနဲ့လူ
တစ်ယောက်လိုပါပဲ။ဒါပေမဲ့ကျွန်မမြင်နေရတာဟာ၊လူတစ်ယောက်မဟုတ်ဘူးဆိုတာကျွန်မကောင်းကောင်းကြီး
သိနေပါတယ်။ဗြုန်းကနဲကျွန်မအော်လိုက်ချင်ပေမဲ့၊တကယ်တမ်းမှာတော့အသံလေးတောင်မထွက်နိုင်ခဲ့ပါဘူး။
ဝုန်းကနဲဆိုပြီးထွက်ပြေးလိုက်ချင်ပေမဲ့၊ခြေတလှမ်းရွှေ့ဖို့နေနေသာသာ၊ကျွန်မဟာကြောက်လွန်းလို့ဒူးတွေများ
တဆတ်ဆတ်တုန်နေတော့တာပါပဲ။ပြောကြပါတယ်။တွေ့လိုက်ရင်အမျှအတန်းပေးဝေလိုက်၊အမျှလိုချင်လို့လာ
ကြတာရယ်လို့ပါ။တကယ်တမ်းကြုံတွေ့ချိန်မှာတော့၊သိပ်ကိုထိတ်လန့်နေခဲ့ပါတယ်။အဆောင်ထဲကဆရာလေး
တစ်ပါးကထွက်လာပြီးမပညာစာရီလို့လာခေါ်မှပဲကျွန်မဘာဖြစ်နေတယ်ဆိုတာသတိဝင်လာခဲ့တဲ့အထိကြောက်
လွန်းလို့၊ငိုင်တွေသွားခဲ့ရပါတယ်။နောက်ပိုင်းပြန်စဉ်းစားမိတော့လည်းငါဘာကိုကြောက်နေခဲ့တာလည်းဆိုတာ
တွေးမရပြန်ပါဘူး။ပရိတ်တော်တွေ၊ကျင့်ကြံအားထုတ်ပြီးလိုက်နာကျင့်သုံးတဲ့သီလတွေကြောင့်၊ကျွန်မကိုဘာ
အန္တရာယ်မှမပေးနိုင်မှန်းသေချာသိနေပေမဲ့လည်း၊ကျွန်မတော်တော်ကြီးကိုကြောက်နေခဲ့တာပါပဲ။

မေတ္တသုတ်ကိုကျွန်မအင်မတန်နှစ်နှစ်သက်သက်ရွတ်ဖတ်ပါတယ်။အလုပ်လုပ်နေရင်းတောင်မှ၊သတိရတိုင်း
မေတ္တသုတ်လေးကိုရွတ်နေတတ်ပါတယ်။တကယ်တမ်းမေတ္တာတရားကိုသေသေချာချာထားနိုင်သူတွေဟာ
နာနာဘာဝတွေကိုတွေ့ပေမဲ့၊မကြောက်တတ်ကြပါဘူးလို့ကျွန်မကြားဖူးပါတယ်။ဒါကြောင့်လဲကျွန်မဟာငါဟာ
တကယ်ပဲလူသားတိုင်း၊သတ္တ၀ါတိုင်းကိုတပြေးညီမေတ္တာမထားနိုင်သေးလို့၊ငါ့မေတ္တာတွေဟာပြည့်ဝမှုမရှိသေး
လို့သာကြောက်နေသေးတာပါလို့ကိုယ့်ကိုကိုယ်သတိပေးဖြစ်ပါတယ်။ဒါပေမဲ့လည်း....ကြုံလိုက်တိုင်းမှာတော့
ကျွန်မကြောက်နေမိဆဲပါပဲ။တစ်နေ့နေ့မှာတော့၊အကြောက်တရားကင်းတဲ့မေတ္တာရှင်တစ်ယောက်တော့ဖြစ်
ချင်နေမိပါရဲ့။