မြန်မာပြည်မှာဆိုရင်(၁)

ကျွန်မာပြည်မှာကျွန်မအကြိုက်ဆုံးရာသီကတော့မိုးရာသီပါ။


ငယ်ငယ်ကမိုးတွင်းမှာကျွန်မအလုပ်ဖြစ်ဆုံးကတော.မိုးရေချိုးတာပါပဲ။မိုးရေချိုးရတာတော်တော်ပျော်စရာကောင်းလွန်း
တော.၊ချမ်းပြီးတကိုယ်လုံးပြာနှုမ်းပြီးခိုက်ခိုက်တုန်လာမှ၊ဒါမှမဟုတ်အိမ်ကတစ်ယောက်ယောက်ကအော်ခေါ်မှပဲပြန်
တက်လာတာပဲ။မိုးအုံ့နေရင်ကိုဘောလုံးကန်ဖို.ချိန်းနေကြတဲ့ကျွန်မတို့မှာတစ်ခါတစ်လေဘောင်းဘီတိုလေးနဲ့အောက်
ဆင်းလာပြီးမှမိုးကသည်းနေအောင်မရွာလျှင်စိတ်နည်းနည်းညစ်ရပါတယ်။မိုးဦးကျမှာဖားသေးသေးလေးတွေထွက်လာ
ကြပြီးလမ်းပေါ်မှာခုန်ဆွဆွနေတာမြင်ရင်ကျွန်မကလိုက်ဖမ်းစမြဲပေါ့။ခုန်နေရင်ချစ်ဖို့ကောင်းနေပေမဲ့ဖမ်းမိလို့ကြည့်လိုက်
ရင်ခပ်ဆိုးဆိုးရုပ်ကလေးတွေကြောင့်ပြန်ပြန်လွှတ်လိုက်တာပါပဲ။ရေပြည့်နေတဲ့မြောင်းတွေမှာဖျတ်ကနဲ၊ဖျတ်ကနဲလှုပ်
လှုပ်နေရင်တော့ငါးရံ့လေးတွေပေါ့။ငါးရံ့ခေါင်းတိုတွေမို့ဘယ်သူမှလဲမစားကြပါဘူး။ငါးဖမ်းရင်ဘယ်တော့မှမမိလေတော.
ငါးတွေ့တိုင်းကလေးပီပီဖမ်းတာပေါ.။သူတို့ကလဲကျွန်မလောက်တော.အပျော့ပေါ့။ခုအရွယ်ထိကိုတစ်ကောင်မှမမိဖူး
သေး။ဒီတော့ကျွန်မဖမ်းရင်မိတတ်တဲ့ဖားသားပေါက်လေးတွေကိုဖမ်းဖြစ်ပါရဲ့။ဒါတောင်မှလက်နဲ့၊လက်ခုပ်လေးကားပြီး
ဖမ်းလို့ကတော့လျင်လွန်းတဲ့ကျွန်မဘယ်တော့မှမအောင်မြင်တတ်။ဒီတော့ခါမြောင်းထဲကိုဆောင်းထားတဲ့ထီးကြီး
ပစ်ချပြီးဖားသားလောင်းအုပ်စုလေးတွေကိုဖမ်းပါတယ်။ကံဆိုးသူမောင်ဖားလောင်းတချို.ကိုမိပါတယ်။ပြီးရင်ငါလဲ
ဖမ်းမိတယ်လို့တစ်ယောက်ယောက်ကိုကြွားပြီးရင်လွှတ်လိုက်တာပါပဲ။


မိုးတွင်းမှာထွက်လာတဲ့မျှစ်နုလေးတွေကိုကျွန်မတို့အိမ်မှာ၊ငရုတ်သီးစိမ်း၊ကြက်သွန်ဖြူတို့ကိုသီတံလေးနဲ့မီးကင်ပြီး
ပုဇွန်ခြောက်လေးနဲ့မညက်တညက်ရောထောင်းပြီး၊ဖျော်ထားတဲ့ငါးပိရည်ချိုလေးနဲ့၊အတို့အမြှပ်စားကြပါတယ်။တို့
စားရင်အရသာအချိုဆုံးကတော့ဝါးနွယ်မျှစ်ဆိုတဲ့မျှစ်တစ်မျိုးပါ။မိုးတွင်းဆိုရင်ပိုပေါတတ်တဲ.ပုဇွန်လေးတွေနဲ့ကြော်
တဲ့မျှစ်ကြော်ဆိုလဲ၊ကျွန်မကကြိုက်တာပါပဲ။ကောက်ရိုးမှိုအဖူးလေးတွေကိုကြော်ကြော်၊သုတ်သုတ်စားကောင်းတာ
ပါပဲ။မိုးတွင်းမှာသာမကြာမကြာတွေ့ရတာစားဖားကြီးတွေပေါ.။ကျွန်မတို့သားအဖကတော့၊ဖားကြီးတွေကိုကြောက်
လဲကြောက်ရွံလဲရွံတော့၊မစားရဲကြပါဘူး။ဒါပေမဲ.တစ်ခါတော.စားဖူးပါတယ်။မားမားကဖားကိုအရေခွံစုပ်သေးသေး
လေးတွေလုပ်ပြီးကြော်ကျွေးတော.၊ကျွန်မတို.လဲမသိတော.စားကြပါတယ်။စားနေတုံးမှာပါးပါးကအရသာတစ်မျိုးပဲ
လို့သံသယ၀င်ပါတယ်။ကျွန်မတို့အိမ်မှာကြက်သားကိုဒီလိုပဲသေးသေးလေးတွေ၊တုံးပြီးကြော်တတ်တော့၊သိပ်တော့
့မထင်တတ်ပဲစားကြတာပေါ.။ဒီတုံးကစားတာဖားသားမှန်းနှစ်တော်တော်ကြာမှကျွန်မတို့သိရတာပါ။


ကျွန်မတို့အိမ်မှာတမိုးတွင်းလုံးရွာတဲ့မိုးရေကိုစဥ့်အိုးကြီးများနဲ့ခံထားပြီး၊တနွေတွင်းလုံးဒီမိုးရေကိုပဲသောက်ရေ၊
ရေနွေးအဖြစ်သုံးကြပါတယ်။ပါးပါးကရေနွေးကြမ်းကြိုက်လေတော့မိုးရေကိုအသေအချာခံထားရတာပါပဲ။အ၀ီစိ
တွင်းရေနဲ့ရေနွေးကျိုပြီးသောက်ရတာ၊အရသာကပေါ.ပါတယ်။မိုးရေနဲ့ဆိုရင်တော့ချိုပြီး၊အရောင်ကလည်းလှပါတယ်။
တစ်နွေတွင်းလုံးဒီမိုးရေကိုပဲသုံးရတာမို့၊မိုးများနောက်ကျရင်ကျွန်မတို့မှာအ၀ီစိရေကိုပဲသောက်ရပါတယ်။ချမ်းချမ်း
နဲ့ရေနွေးကြမ်းပူပူလေးသောက်ရင်း၊မိဘတွေရင်ခွင်မှာခေါင်းဝှေ.နေခဲ့ရတဲ့ဘ၀တစ်ခုကိုခုတော့အတော်သတိရ
မိပါတယ်။အအိပ်မက်တဲ့ကျွန်မကတော့၊မိုးအေးအေးမှာချမ်းချမ်းနဲ့ကွေးရတာ၊အရသာအရှိဆုံးပဲလို.ထင်ပါတယ်။
စောင်ခြုံထဲမှာစာအုပ်တစ်အုပ်နဲ့နေရတဲ့အချိန်လေးတွေဟာခုတော.အိမ်မက်တစ်ခုပါပဲ။


ဒီမှာတော့မိုးရာသီရယ်လို့သီးသန့်မရှိပါဘူး။ရွာချင်တဲ့အချိန်ထရွာတတ်သလို၊မိုးလေ၀သကြော်ငြာချက်တွေကလဲ
အများအားဖြင်.မှန်ပါတယ်။မနက်အလုပ်သွားရင်နေပူနေပေမဲ.၊ညနေကျရင်မိုးကရွာတတ်ပြန်တယ်။ပြီးတော့လည်း
မြန်မာပြည်မှာလိုမိုးကြောင့်အေးတဲ့၊အအေးဓာတ်ကိုလုံးဝမခံစားရပါဘူး။မြန်မာပြည်မှာမိုးများရွာလိုက်ရင်၊မြေသင်း
နံ့ကလေးကိုခပ်သင်းသင်းလေးရတတ်ပေမဲ့၊ဒီမှာတော့ဘာနံ့မှမရှိ။ကတ္တရာလမ်းတွေပဲရှိတဲ့ဒီတိုင်းပြည်မှာမြေသင်း
နံ့ဆိုတာကိုမရနိုင်မှန်းသိပေမဲ.၊မိုးရွာတိုင်းကျွန်မအသက်ပြင်းပြင်းလေးရှူပြီး၊အနံ့ခံတတ်စမြဲ။ပူနေချိန်မှာမသိသာပေမဲ.
ခုလိုအေးနေချိန်မှာတော့မိုးရွာရင်တော်တော်အေးလာပါတယ်။ခုပိတ်ရက်ရှည်မှာနေရောင်ကိုခုထိမမြင်ရသေးပဲ
မိုးကရက်ဆက်ရွာနေတာပါ။သည်းသည်းမည်းမည်းရွာတာရှားပါတယ်။မကြာမကြာရွာနေတတ်သောဒီကမိုးရာင်္သီ
ကြီးကိုကျွန်မရင်မခုန်နိုင်သလို၊ကျွန်မကြိုက်တဲ့အစားအစာများလဲမရှိ၊ကျွန်မချစ်သောမိသားစုလည်းမရှိသော
ဒီကမိုးရွာချိန်ကြီးကိုကျွန်မပျော်လို.ကိုမရပါ။