ကျွန်မရေးတဲ့သူ.ဘ၀လူထုဦးလှ

အမေလူထုဒေါ်အမာဆုံးပါးသွားတဲ့အတွက်၊စာပေချစ်သူတိုင်းကယူကျုံးမရဖြစ်ကြရပါတယ်။အမေရေးထားခဲ့
တဲ့ကျွန်မရေးတဲ့သူ.ဘ၀လူထုဦးလှဆောင်းပါးလေးကိုတင်ပေးလိုက်ပါတယ်။အမေ့စာတွေကိုဖတ်ကြည့်လိုက်
ရင်ဘာကြောင့်များကျွန်မတို.နှမြောတသ၊ယူကျုံးမရဖြစ်ကြရသလဲဆိုတာ၊စာဖတ်သူကိုယ်တိုင်ခံစားနားလည်
သွားကြမယ်လို.မျှော်လင့်မိပါတယ်။ဆောင်းပါးတစ်ပုဒ်လုံးကိုတစ်ခါတည်းတင်ပေးလိုက်ချင်ပေမဲ့၊ကျွန်မကစာ
ရိုက်တာမမြန်လှတဲ့အပြင်၊အလုပ်ကပြန်လာမှကမန်းကတန်းလုပြီးလုပ်ရတာမို.ခွဲတင်ပေးလိုက်ရတော့နား
လည်ခွင့်လွှတ်ပေးကြပါနော်။

ကြီးပွားရေးမဂ္ဂဇင်းနဲ.စာအုပ်တိုက်

ကျွန်မစာစဖတ်တာ၊ဒဂုန်မဂ္ဂဇင်းထဲမှာပါတဲ့ဝတ္ထုတွေကစတယ်ထင်ပါတယ်။ဒဂုန်မဂ္ဂဇင်းတစ်အုပ်တလေ၊ကိုယ့်
အနားရောက်လာတဲ့အခါ၊ပါတဲ့ဝတ္ထုတွေကိုဖတ်တာပါ။"ယုဝတီစက္ခု"တို.၊"ထေရီထရော"တို.ကိုဘယ်တော့မှ
မဖတ်ပါဘူး။ကျွန်မတို.အိမ်မှာစာအုပ်ဝယ်လာပြီးဖတ်တဲ့အိမ်သားမရှိဘူး။သတင်းစာပဲရှိတယ်။စာအုပ်ဖတ်စရာ
ဟာအများအားဖြင့်ကျောင်းကကျောင်းသူအချင်းချင်းဆီကငှားတဲ့စာအုပ်ပါ။ဒဂုန်ကိုတစ်အုပ်တစ်လေဖတ်နေရာ
ကသူရိယမဂ္ဂဇင်းကိုကျောင်းကသူငယ်ချင်းမတစ်ယောက်စီကရလာပါတယ်။အဲဒီထဲက၀တ္ထုတွေကိုဖတ်ကြည့်
တော့ဒဂုန်က၀တ္ထုမျိုးထက်ကြိုက်နေပါတယ်။ဒါကြောင့်ဒဂုန်အစား၊သူရိယကိုရှာဖတ်ဖို.ကြိုးစားလာပါတယ်။အဲဒါ
အသက်ဆယ့်သုံးလေးနှစ်အရွယ်၊အေဘီအမ်ကျောင်းနေတုန်းကပါ။တစ်ခါတော့သူရိယမဂ္ဂဇင်းတစ်အုပ်မှာပါတဲ့
ဝတ္ထုတစ်ပုဒ်ကိုဖတ်နေတာ၊အဖေကမြင်သွားတော့၊၀တ္ထုမဖတ်ရဘူးဆိုပြီးစာအုပ်သိမ်းသွားလို."အဖေရဲ့၊အဲဒါသူ
များစာအုပ်ပါ၊ပြန်ပေးပါ၊နောက်မဖတ်ပါဘူး"လို.ပြောပြီး၊ပြန်တောင်းရပါတယ်။ကျွန်မတို.အဲဒီအချိန်၊အရွယ်တုံး
က၀တ္ထုဖတ်ရင်၊ရည်းစားထားချင်လာတယ်ဆိုပြီး၊တစ်သမတ်တည်းရှိတဲ့၊လူကြီးတွေရဲ့အယူအဆပါ။ဝတ္ထုဖတ်
တာကိုလူကြီးတွေကမကြိုက်ပါဘူး။

နောက်တော့လူကြီးများမမြင်မတွေ.ရာမှာ၊ကြုံရာဆုံရာမဂ္ဂဇင်းများကိုဖတ်ရင်းနဲ.၊စာဖတ်ဝါလည်းတော်တော်ဝ
လာပါတယ်။ဒီအချိန်မှာကြီးပွားရေးမဂ္ဂဇင်းလည်းထွက်လာပါတယ်။

ကြီးပွားရေးမဂ္ဂဇင်းနဲ.တွေ.တော့၊အဲဒီအထဲမှာကိုယ်ဖတ်ချင်တဲ့ဆောင်းပါးလေးတွေတွေ.တွေ.လာတယ်။ဒါ
ကြောင့်ဝတ္ထုမှမဟုတ်တော့ပဲဆောင်းပါးဖတ်တဲ့ဘ၀ရောက်လာတယ်။ကြီးပွားရေးမှာပါတဲ့ဆောင်းပါးတွေက
လည်းဒီ့ပြင်မဂ္ဂဇင်းတွေမှာပါတာတွေနဲ.မတူဘဲ၊တစ်မူကွဲပြားတာကိုး။တခြားမှာဝတ္ထုရေးနေတဲ့ဇ၀နကကြီးပွား
ရေးမှာ"အပါပုံပြောပြမယ်၊ဦးလေးနားထောင်"ဆိုပြီးပုံပြောဆရာလုပ်ပါတယ်။ကိုသိန်းကဆရာမပြောလိုက်တဲ့
မောင်ပေါက်ကျိုင်းတို.၊ပဋ္ဋာစာရီတို.၊ပေါရိသာဒတို.လို၊အကြောင်းအရာမျိုးကိုကလေးအသိ၊ကလေးဗဟုသုတ၊
ကလေးမှတ်ဥာဏ်နဲ.သူမှတ်ထားသလိုကို၊သူ.ဦးလေးပြန်ပြောတဲ့ပုံပြင်တွေအဖြစ်နဲ.ရေးတာ၊ကျွန်မတို.ကသိပ်
သဘောကျတာပါ။မောင်သံချောင်းပေးစာဆိုတာကတော့၊ကြီးပွားရေးရောက်လာရင်ပထမဆုံးရှာဖတ်ရတဲ့အ
ခန်းလေ။အဲဒါသိပ္ပံမောင်ဝရေးတာတဲ့။တင်တင့်ပြဇာတ်ဆိုတဲ့ပြဇာတ်မျိုးကလည်းကြီးပွားရေးမှာပါတာပါ။ဒါက
လည်းသိပ္ပံမောင်ဝလက်ရာပဲတဲ့။နောက်မှသိရတာပါ။ငယ်ရွယ်သေးသူများအဖို.နေသူရိန်၏မကြောက်တရား
ဆိုတဲ့၊နိုင်ငံရေးဆောင်းပါးမျိုးက့်လည်းကြီးပွားရေးမှာမှပါတာပါ။မဟာဆွေရေးတာလို.လည်းမသိခဲ့ပါဘူး။ဒါ
ပေမယ့်တွေ.ရင်ဒီဆောင်းပါးကိုမရှောင်နိုင်ပါဘူး။ဖတ်ဖြစ်တာချည်းပါပဲ။

တကယ်တော့ကျွန်မကခေတ်စမ်းသမားတွေရဲ့စာဖတ်ပရိသတ်ပဲကလား။ဂန္တလောကဟာခေတ်စမ်းသမားတွေရဲ့
မဂ္ဂဇင်းဆိုပေမယ့်၊ကြီးပွားရေးမဂ္ဂဇင်းမှာပါတဲ့ခေတ်စမ်းဆရာတွေရဲ့လက်ရာက၊ဂန္တလောကမှာပါတာထက်နှစ်ဆ
မကပါဘူး။ကဗျာမှာလည်းကြီးပွားရေးကခေတ်စမ်းကဗျာအပါဆုံးမဂ္ဂဇင်းပါ။ဘယ်မဂ္ဂဇင်းမှာမှမောင်ထင်ရဲ့ခေတ်
စမ်းကဗျာလက်ရာ၊မြို.အုပ်မင်းဆိုဘုံရုံကဗျာဆိုတာကိုများကြိုက်လိုက်ရတာ၊တိုတိုကလေးနဲ.ကောင်းတဲ့ကဗျာ
လေးတွေကိုး။ဆရာမင်းသုဝဏ်တို.၊ဆရာဇော်ဂျီတို.ကဗျာတွေကတော့၊မပြောနဲ.တော့။ဆရာမင်းသုဝဏ်ရဲ့အတာ
ရေတို.ဗျောသံဆို.ဆိုတဲ့ကဗျာတွေဟာ၊ကြီးပွားရေးမှာပါတဲ့ကဗျာတွေပေါ့။ဆရာဇော်ဂျီရဲ့ကဗျာတွေကလည်းပြတ်
တယ်မရှိတွေ.ရတာလေ။ပြီးတော့ဆရာကဆောင်းပါးတွေကလည်းရေးသေးတယ်။

ကြီးပွားရေးမှာပီမိုးနင်းလိုစာရေးဆရာကြီးတွေရဲ့၊လက်ရာတွေအပြင်သိပ္ပံမောင်ဝ၊ဇော်ဂျီ၊မင်းသုဝဏ်။မောင်ထင်
တို.နဲ.မောင်သန်.စင်၊ကုသ၊မြကေတု၊နွယ်စိုး၊တက်တိုး၊ညိုမြ၊မောင်အာယု၊နုယဉ်၊ထင်ကြီး၊သာဂရ၊ငစိုး၊ဒဂုန်တာ
ရာစတဲ့ခေတ်သမားတွေရဲ့ကဗျာဆောင်းပါး၊၀တ္ထုတွေလည်းဖတ်ရတယ်လေ။

ပြီးတော့မှမင်းနွယ်တို.၊သူရိယကန္တိတို.၊မောင်ဖြူးတို.၊ရတနာပုံဖိုးမှတ်စုတို.၊ဦးသန်.တို.၊ဦးတင့်ဆွေတို.၊ဣန္ဒနီတို.၊
ကိုဆန်းထွန်း(ကျုံကဒူးသား)တို.လိုကလောင်တွေကလည်း၊သူများရေးနေကျမဟုတ်တဲ့အကြောင်းအရာတွေကို
ရေးကြသားကြတာများဖတ်ရပါတယ်။

အဲဒီတုန်းကဦးလှကလည်းသူ.ကြီးပွားရေးကိုစီးပွားရေးအတွက်၊ထုတ်ဝေနေတာမဟုတ်ဘူး။ကြီးပွားရေးကိုဝင်ရေး
ကြတဲ့လူငယ်ခေတ်စမ်းသမားတွေကလည်းစာမူခ၊စာရေးခအတွက်ရေးပေးကြတာမဟုတ်ဘူး။အားလုံးစာပေစိတ်
နဲ.ပျော်ပျော်ပါးပါးလုပ်နေကြသလိုပဲ။အဲဒီအားလုံးထဲမှာမောင်ဝကထိပ်ဆုံးကပါပုံရပါတယ်။မဂ္ဂဇင်းတစ်စောင်မှာ
သူ.ဆောင်းပါး၃ပုဒ်လာက်။လတိုင်းပါနေတာကိုး။

ကြီးပွားရေးမဂ္ဂဇင်းမှာသူများနဲ.မတူထူးခြားတာတစ်ခုရှိပါသေးတယ်။အဲဒါကအားကစားနဲ.ပတ်သတ်တဲ့ဆောင်းပါး
တွေကိုဂရုတစိုက်ထည့်ပေးခြင်းပါ။ဦးလှကသူကိုယ်တိုင်ကအားကစားသမားဟုတ်လား။အဲဒီတော့သူ.မဂ္ဂဇင်းဟာ
ကာယဗလဦးရှိန်တို.၊ဦးဇော်ဝိတ်တို.အတွက်နေရာရတဲ့မဂ္ဂဇင်းပေါ့။ခြေလျင်ဦးအုံးခင်၊ကာယဗလဦးနေ၀င်း(ရဲထွန်း
လင်း)တို.ဆောင်းပါးတွေနဲ.အတူ၊ကမ္ဘာလှည့်မောင်တင်မောင်ရဲ့ကမ္ဘာအရပ်ရပ်ကလူငယ်တွေရဲ့၊လှုပ်ရှားမှုများကို
ဖော်ပြတဲ့ဆောင်းပါးတွေကလည်း၊လူငယ်ကြိုက်ဆောင်းပါးတွေဖြစ်နေပါတော့တယ်။ကမ္ဘာလှည့်မောင်တင်မောင်
ဆိုတာသခင်သန်းထွန်းရေးတာပါပဲ။သူနဲ.ရပြီးအကြာကြီးနေမှကျွန်မမေးလို.ပြောပြတာပါ။

ပြီးတော့စာပေနဲ.ပတ်သတ်တဲ့သူရိယကန္တိနဲ.၀တ္ထုရေးလိုသော်ဆိုတာမျိုး၊ဆရာဇော်ဂျီရေးတဲ့ယခုခေတ်မြန်မာစာ
အရေးတော်ပုံဆိုတဲ့ဆောင်းပါးမျိုးကြီးပွားရေးမှာပါပါတယ်။

တကယ်တမ်းပြောရရင်ကျွန်မစာရေးဆရာဖြစ်လာတာ၊ကြီးပွားရေးရဲ့ပယောဂအများကြီးပါမှာပါ။ပြီးတော့ဦးလှ
ကိုအိမ်ထောင်ဖက်အဖြစ်ရွေးချယ်မိတာကလည်း၊ကြီးပွားရေးမဂ္ဂဇင်းကိုကြိုက်တဲ့စေ့ဆော်မှုတွေပါပါလိမ့်မယ်။
ကျွန်မစာရေးတော့ဆရာကြီးရွှေဥဒေါင်းရဲ့အရေးအသား၊၀ါကျခိုင်ခံ့မှန်ကန်အောင်တည်ဆောက်မှုဆိုတာကိုအိမ်
မှာနေ.တိုင်းဖတ်ရတဲ့၊သူရိယသတင်းစာကတဆင့်ဝင်တယ်လို.ထင်ပါတယ်။အဲဒီတုန်းကကျွန်မတို.အဖေကသူ.
သူငယ်ချင်းကိုဖေသိန်းအလုပ်လုပ်တဲ့၊သူရိယကိုဖတ်တာပါ။ပြီးတော့စာရေးတယ်ဆိုတာ၊ရေးတတ်ရင်ဘယ်အ
ကြောင်းအရာမဆိုစာဖြစ်လာတာပဲလို.သိပ္ပံမောင်ဝက၊ကျွန်မကိုလက်တွေ.သင်ပေးနေတယ်လို.ထင်ပါတယ်။
အဲဒီဆရာကြီးနှစ်ဦးရဲ့စာပေသြဇာနဲ.ကျွန်မက၊ကလောင်စမ်းလာခဲ့တာပါ။ကျွန်မအသက်၂၁၊၁၉၃၆ခုဆိုပါတော့။
ကျွန်မလက်ရာလေးတွေကောင်းတာ၊မကောင်းတာအပထား၊ကြီးပွားရေးမဂ္ဂဇင်းမှာစပါနေပါပြီ။

ဦးလှကစာမရေးသေးတဲ့သူတွေ၊စာရေးလာအောင်ကလောင်သစ်မွှေးထုတ်ရာမှာတော်ပါတယ်။သူ.ကြောင့်၊သူ.
ကိုခင်လို.၊သူတိုက်တွန်းလို.စာရေးဆရာဖြစ်လာသူကျွန်မလိုကလောင်တွေ၊တစ်ချောင်းမကရှိပါတယ်။ကျွန်မသေ
သေချာချာ၊သိတာပြောရရင်၊မင်းနွယ်ရော၊ရွှေကိုင်းသားရော၊ကျွန်မရောဟာသူစည်းရုံးရေးကောင်းလို.၊စာရေး
ဆရာတွေဖြစ်လာကြတာပါ။တခြားသူတွေလည်းရှိဦးမှာပါ။

ဦးလှကိုကြိုက်တာဟာကြီးပွားရေးမဂ္ဂဇင်းကိုကြိုက်တာလည်း၊ပါပါတယ်ဆိုတဲ့ခုနင်ကစကားကိုဆက်ပါရစေဦး။
ဦးလှမြူနီစီပယ်ရာပြတ်ဋ္ဌာနမှာ၊(၇)နှစ်အလုပ်လုပ်ပြီးတော့၁၉၃၈ခုနှစ်မှာအလုပ်ကထွက်လိုက်ပါတယ်။အဲဒီ
တော့သူ.လခကဖြတ်စုထားရတဲ့၊စုကြေးငွေ၁၅၀၀ကျပ်လောက်အလုပ်ကထုတ်ခဲ့ရပါသတဲ့။ဒီငွေနဲ.ဦးလှက
ကြီးပွားရေးမဂ္ဂဇင်းလစဉ်ထုတ်အပြင်၊ကြီးပွားရေးလက်ရွေးစင်စာအုပ်၊ထုတ်ဝေရေးလုပ်ငန်းစပါတယ်။

ဆက်ရန်